Home

Jodlerklub Könizbärg

Herzlich willkommen

in der Hompage vom Jodlerklub Könizbärg

Liebi Froue u Manne


Ds Corona-Virus het ou üs Könizbärgler zwunge, ds Probe yz'schtelle. Uf ei Schlag nümme zäme chönne jutze u singe isch hert z'ertraage gsii u het wee taa.  Alli hei's schwär vermisst.

Zum Glück het der Bundesrat Ändi Mai wider grüens Liecht gää u entschide, d'Probe, under Yhaltig vom Schutzkonzäpt, wider chönne ufz'nää. Das het üs allne guet taa.

I üsem nöie, grosse Probelokal im Liebefäld, chöi mir d'Vorgabe allerbeschtens yhalte. Ds Probe bringt üs wider zäme u macht riisig Fröid.

 

Wenn's Di ou gluschtet cho z'singe u jutze, chumm eifach mal cho icheluege. Schtaa ooni Zwang mal zuenis i d'Reije. Es wunderschöns Bruuchtum z'pfläge u z'gschpüre wie das Fröid macht, tuet mee weder  guet.

Du chasch ou jederzyt   Kontakt mit eim vo üsne Mitglider ufnää. Es wurd is fröie.

Mir probe jede Mäntig-Aabe vom 8i bis churz vor de 10ne, im Singsaal vo'r Thomas Chilche, am Buchseewäg 21, im Liebefäld.

 


Mir wünsche es guets sörfe uf üsere Hompage.


Alfred Rolli

Präsident